嚇死咩!!

今日，我有位女性朋友忽然打電話俾我話佢係返屋企時撞到另類朋友....... 唔知點算好，而佢o既同居男友今晚又要OT所以得佢自己一個，想我即刻過去佢屋企陪佢(時間大約係18:20)，於是我唯有趕過去！

去到朋友屋企，問佢事發經過，佢話係佢住緊棟大廈部電梯度撞到.....(時間大約係19:30)開頭佢隻係得佢自己一個人入電梯，但係電梯門關o左後，佢忽然望到有個小朋友都係部電梯入面，個小朋友係垂低頭半彎低身咁樣，佢不以為然，隨口問個小朋友﹕你住邊一層o架？ 個小朋友冇回應，於是佢問多聲，就係佢問多呢一句個刻佢先諗起，冇其他人同佢一齊入去電梯！當佢一諗到，個小朋友同時用好慢o既速度抬起頭答﹕

我唔識返落去呀......你帶我返落去丫.......
我朋友形容個小朋友o既面色係死灰色，而且眼神好哀怨咁....

嚇到我朋友呆曬，好彩我朋友係住四樓，電梯已經到o左，佢用呢世最快o既速度衝返入屋！入到屋，我朋友就嚇到撻係地上成大半個鐘然後先識打電話俾我。